«Интер Майами» ҳужумчиси Лионель Месси ўз рекордини яна янгилади. 39 ёшли футболчи бугунги «Сан-Диего»га қарши 2:2 ҳисобида якунланган учрашувнинг 23-дақиқасида гол урди.

Эндиликда аргентиналик футболчи МЛСда 20 та гол ва 13 та голли узатмага эга. Айрим маълумотларга кўра эса унинг ҳисобида 11 та ассист бор.

Inter Miami News Hub маълумотига кўра, Месси МЛС тарихида учта турли мавсумда камида 20 та гол ва 10 та голли узатма қайд этган биринчи футболчи бўлди. Бунгача ҳеч бир ўйинчи ҳатто икки мавсумда ҳам бундай натижага эриша олмаган.

Месси лига тўпурарлари рўйхатида ҳам пешқадамлик қилмоқда. У «Даллас»нинг хорватиялик ҳужумчиси Петар Мусадан 2 та голга олдинда.

«Интер Майами» 26 та турдан кейин 46 очко билан Шарқий конференция турнир жадвалида 3-ўринни эгаллаб турибди.