«Манчестер Юнайтед»нинг собиқ футболчиси Гари Невилл Майкл Кэррик жамоасининг Англия чемпионатининг бешинчи туридан ўрин олган «Фулхэм»га қарши ўйиндаги иштирокидан жуда норози бўлди. Эксперт айниқса манкунианликларнинг танаффусдан кейинги ўйинини шафқатсизларча танқид остига олди. Невиллнинг фикрича, иккинчи бўлимнинг бошланиши «МЮ» тарихидаги энг муваффақиятсиз кечган дақиқалардан бири бўлди.

«Мен «Манчестер Юнайтед» ўйинларини беш ёшимдан бери кузатиб келаман, аммо илгари ҳеч қачон бу қадар даҳшатли 15 дақиқани кўрмагандим. Бу мутлақо ачинарли манзара эди», — дейди Невиллнинг сўзларини Football365.

Собиқ ҳимоячи, шунингдек, жамоа футболчилари томонидан фаоллик етишмаганини ҳам таъкидлаб ўтди. «Фулхэм» билан учрашув 1:1 ҳисобида якунланди. Манкунианликларни мағлубиятдан Матеус Кунья сақлаб қолди.