Мадриднинг «Реал» клубида 2026/27 йилги мавсум бошида ҳужумчи Винисиус Жуниорнинг спорт ҳолатидан хавотирга тушишмоқда, деб ёзади The Touchline. Бразилиялик ҳужумчи дастлабки саккизта ўйинда фақат битта гол урди.
Аввалроқ жамоа бош мураббийи Жозе Моуриньо ҳам Винисиус ҳозирча ўз максимал даражасидан йироқда эканини таъкидлаган эди. Шу билан бирга, мутахассис футболчининг ишга бўлган муносабатидан мамнун эканини урғулади.
Мадрид клубида 26 ёшли ҳужумчи ўйинидаги пасайишни, жумладан, янги шартнома имзоланганидан кейинги давр билан боғлашмоқда. Бунда Моуриньо ўз жамоасида таркибдан жой кафолатланган ўйинчилар йўқлигини бир неча бор таъкидлаган. Агар Винисиуснинг маҳсулдорлиги яхшиланмаса, бразилиялик футболчи илк дақиқалардан майдонга тушмай қўйиши мумкин.
