Madridning «Real» klubida 2026/27 yilgi mavsum boshida hujumchi Vinisius Juniorning sport holatidan xavotirga tushishmoqda, deb yozadi The Touchline. Braziliyalik hujumchi dastlabki sakkizta o‘yinda faqat bitta gol urdi.
Avvalroq jamoa bosh murabbiyi Joze Mourinyo ham Vinisius hozircha o‘z maksimal darajasidan yiroqda ekanini ta’kidlagan edi. Shu bilan birga, mutaxassis futbolchining ishga bo‘lgan munosabatidan mamnun ekanini urg‘uladi.
Madrid klubida 26 yoshli hujumchi o‘yinidagi pasayishni, jumladan, yangi shartnoma imzolanganidan keyingi davr bilan bog‘lashmoqda. Bunda Mourinyo o‘z jamoasida tarkibdan joy kafolatlangan o‘yinchilar yo‘qligini bir necha bor ta’kidlagan. Agar Vinisiusning mahsuldorligi yaxshilanmasa, braziliyalik futbolchi ilk daqiqalardan maydonga tushmay qo‘yishi mumkin.
