Португалиялик Рафаэл Леау Туркия чемпионатига кўчиб ўтди, аммо ҳозирча у ерда ҳеч кимда катта таассурот қолдира олмади.

Футболчи тўртта учрашувда майдонга тушди, бироқ ундан кутилган ўйинни кўрсата олмаяпти. Унинг ҳаракатларида аввалгидек ғалабага бўлган иштиёқ етишмаётгандек таассурот қолдирмоқда. Айнан шу жиҳат унинг «Милан»даги мавқеига ҳам салбий таъсир қилган эди.

Энди эса Леау Туркия матбуоти танқидига ҳам учрамоқда.

«Леау ўйинга бўлган иштиёқсизликнинг яққол тимсоли. У ҳафтасига қарийб 290 минг евро маош олади ва бундай ўйинни ундан қабул қилиб бўлмайди. «Галатасарой» — буюк клуб, аммо Леау у ерга худди дам олиш учун келгандек таассурот қолдирмоқда», — деб ёзди журналист Майкл Лахуд.

Бир кун аввал «Галатасарой» «Трабзонспор»га 0:4 ҳисобида мағлуб бўлди.