"Пахтакор" - "Сўғдиёна" учрашувидан кейинги матбуот анжуманида иштирок этган жиззахликлар бош мураббийи рақиб жамоа захира ўриндиғининг кучлилиги эвазига ғалаба қозонганини таъкидлади.

Даврон ФАЙЗИЕВ (“Сўғдиёна” бош мураббийи):
— Бугунги ўйин кўпчиликка ёқди ва голларга бой бўлди. Биз учун энг ёмони ғалабага яқин туриб, муҳим очкони қўлдан бой бердик. Бугун чемпионга қарши энг яхши ўйинларимиздан бирини намойиш қилиб, мағлубиятга учраш алам қилди. “Пахтакор”ни қарши ҳужумларда пойладик. 3:1 ҳисобида олдинда бораётган вақтда яхши имкониятни қўлдан бой бердик. Агар ўшанда ҳисоб ўзгарганида ғалаба қозонишимиз аниқ бўларди. “Пахтакор”ни захираси бизникига нисбатан яхши ва уларни футболчиларида тажриба катта. Бизда эса бу камчилик.

Ёшларимиз Янгиерда, ўзимиз эса Зоминда ўйнаяпмиз. Бизга ҳам осон эмас. Лекин “Гулистон” каби клубни ўз ҳолига ташлаб қўйишмаган. Сайтда превьюни ўқиб шу нарсани билдим-ки, сўнгги марта жамоамиз Тошкентда 1995 йил ғалаба қозонган экан. Бугун “Пахтакор” бироз бўлса-да, бизни менсимаслиги маълум эди. Шундан фойдаланишни кўзлагандим. Афсуски, кичик хатолар қимматга тушди. Бу жамоа ёш ва бироз ишлашимиз керак.