Жозе Моуриньюнинг Мадриднинг «Реал» клуби бош мураббийи сифатидаги келажаги ҳақида янги маълумот пайдо бўлди.
The Touchline хабарига кўра, «Реал» раҳбарияти ҳали ҳам Моуриньюни жамоа учун муносиб мураббий деб ҳисобламоқда.
Клубдагиларнинг фикрича, кийиниш хонасида ўзига юқори баҳо берадиган футболчилар жуда кўп ва бундай таркибни фақат Моуринью сингари катта тажриба ва обрўга эга мураббий бошқара олади.
Португалиялик мутахассис жорий мавсум бошланишидан олдин «Реал» бош мураббийига айланган эди.
Унинг қўл остида жамоа Ла Лиганинг 7 туридан кейин 15 очко тўплаб, турнир жадвалида 4-ўринни эгаллаб турибди.
«Реал» пешқадам «Барселона»дан 6 очко ортда қолмоқда.
