Ла Лиганинг 7-туридан ўрин олган «Атлетико»га қарши мадрид дербисидан (1:2) сўнг «Реал» ярим ҳимоячиси Федерико Вальверде жароҳатининг оғирлик даражаси маълум бўлди.

Ўйиннинг 45-дақиқасида майдон марказига яқин жойда майдон эгалари хавбеки Ли Кан Ин бутсасининг шиплари билан Вальверденинг тўпиқ қисмига босиб олди. Учрашув бош ҳаками Мигель Анхель Ортис Арьяс кореялик футболчини жазоламади. Ўйиндан сўнг «Реал» ушбу вазиятда Вальверде тўпиғидан жароҳат олганини хабар қилди. Ҳакамлар техник қўмитаси (CTA) Ли Кан Инга қизил карточка кўрсатилиши керак бўлганини тан олди.

«Мадрид» бугун Федерикода чап тўпиқ бўғими бойламларининг 3-даражали чўзилиши ташхиси қўйилганини хабар қилди.

Клуб 28 ёшли уругвайлик футболчининг тикланиш муддатларига аниқлик киритмади, аммо журналист Серхио Кирантенинг хабар беришича, «Мадрид»да Вальверде тахминан икки ҳафта майдонга туша олмаслиги айтилмоқда. Шу тариқа, у терма жамоалар ўйинлари сабабли юзага келадиган танафсусдан сўнг сафга қайтади.