«Ренн» ҳужумчиси Эстебан Леполь бир қатор Европа топ-клублари эътиборини тортди. Бу ҳақда инсайдер Экрем Конур ижтимоий тармоқларда хабар берди.

Манба маълумотига кўра, 26 ёшли футболчи учун «ПСЖ», «Атлетико», «Интер» ва «Бенфика» клублари кураш олиб бориши мумкин.

«Ренн» эса ҳужумчини сотиш орқали 50–60 миллион евро ишлаб олишни режалаштирмоқда.

Жорий мавсум Франция чемпионатида Леполь бешта учрашувда майдонга тушиб, учта гол урди.

Ҳужумчининг «Ренн» билан амалдаги шартномаси 2030 йил июнь ойи охиригача мўлжалланган.