«Сандерленд» ҳужумчиси Брайан Бробби фаолиятини «Челси»да давом эттириши мумкин.

Журналист Саймон Филлипс маълумотига кўра, Лондон клуби янги мавсумни муваффақиятли бошлаган 24 ёшли нидерландиялик футболчини кузатишда давом этмоқда.

Манбага кўра, «Челси» Броббини ҳали ёздаёқ трансфер учун номзодлар рўйхатига киритган. Энди эса ҳужумчининг сўнгги ўйинларидан кейин клубнинг унга бўлган қизиқиши янада ортган.

Бробби жорий мавсум барча мусобақалар ҳисобида 6 та ўйинда майдонга тушиб, 3 та гол урди.

Футболчининг «Сандерленд» билан амалдаги шартномаси 2029 йилга қадар мўлжалланган.

Transfermarkt маълумотига кўра, Броббининг бозор қиймати 40 миллион еврони ташкил қилади.