«Sanderlend» hujumchisi Brayan Brobbi faoliyatini «Chelsi»da davom ettirishi mumkin.
Jurnalist Saymon Fillips ma’lumotiga ko‘ra, London klubi yangi mavsumni muvaffaqiyatli boshlagan 24 yoshli niderlandiyalik futbolchini kuzatishda davom etmoqda.
Manbaga ko‘ra, «Chelsi» Brobbini hali yozdayoq transfer uchun nomzodlar ro‘yxatiga kiritgan. Endi esa hujumchining so‘nggi o‘yinlaridan keyin klubning unga bo‘lgan qiziqishi yanada ortgan.
Brobbi joriy mavsum barcha musobaqalar hisobida 6 ta o‘yinda maydonga tushib, 3 ta gol urdi.
Futbolchining «Sanderlend» bilan amaldagi shartnomasi 2029 yilga qadar mo‘ljallangan.
Transfermarkt ma’lumotiga ko‘ra, Brobbining bozor qiymati 40 million yevroni tashkil qiladi.
