«Валенсия» ўз расмий сайти орқали жамоанинг янги бош мураббийи номини эълон қилди. У мексикалик мутахассис Хавьер Агирре бўлди.

Мутахассис «кўршапалаклар» билан жорий мавсум охиригача мўлжалланган меҳнат шартномасини имзолади. Шартномада томонлар ҳамкорликни яна бир йилга узайтириши мумкин бўлган банд кўзда тутилган.

28 сентябрь куни «Валенсия» ўз уй стадионида Агирренинг расмий тақдимотини ўтказади.

Жамоа Испания чемпионатининг янги мавсумини муваффақиятсиз бошлади. «Кўршапалаклар» тўрт очко жамғариб, турнир жадвалида сўнггидан олдинги ўринда боришмоқда.