«Барселона» ва Испания терма жамоаси ҳужумчиси Ламин Ямал ЖЧ-2026 финалида Лионель Мессига қарши ўйини ҳақида фикр билдирди.
«Бу шунчаки ажойиб туйғу. Уни яқиндан кўрганингда, нима учун у энг зўри эканини тушунасан. Бу хотира мен билан бир умрга қолади. Бундан ортиқ ажойиб финал бўлиши мумкин эмас эди», — деди Ямал TVE га берган интервьюсида.
Жаҳон чемпионатининг финал учрашувида Испания терма жамоаси Аргентинани 1:0 ҳисобида мағлуб этди. Овертаймдаги ғалаба тўпини Ферран Торрес ўз ҳисобига ёзиб қўйди.
39 ёшли Лионель Месси мундиалнинг барча саккизта ўйинида майдонга тушиб, саккизта гол урди ва тўртта голли узатмага муаллифлик қилди. Финал баҳси аргентиналик юлдуз маҳсулдор ҳаракат амалга оширмаган ягона ўйин бўлди.
