«Арсенал»нинг собиқ футболчиси Билли Вигарнинг ота-онаси ўғлининг ўлимини олдини олиш мумкин бўлганини таъкидлаб, Англия Футбол ассоциациясини (FA) танқид қилди.

21 ёшли Вигар 2025 йил сентябрида «Чичестер Сити» сафида «Уингейт энд Финчли»га қарши учрашувда тўпни майдонда сақлаб қолишга уринган пайтда бетон деворга урилиб, оғир бош жароҳати олган ва беш кундан сўнг вафот этган. Унинг ота-онаси футбол майдонларидаги хавфсизлик талаблари бўйича аввал ҳам огоҳлантиришлар бўлганини билдириб, бу фожианинг олдини олиш мумкин эди, деб ҳисоблайди.

Вигарнинг онаси Камилла шундай дейди: «Қайғудан ғазабга ўтасиз. Чунки бунинг олдини олиш мумкин эди. Билли ҳали 21 ёшда эди, унинг бутун ҳаёти олдинда эди. У футбол ўйнаб, кераксиз ҳолда ҳаётидан айрилди».

Оила шунингдек, бетон, ғишт ва шлакоблок деворларга қўйилган тақиқ футболнинг барча даражаларини қамраб олиши кераклигини таъкидламоқда.