«Реал»нинг собиқ футболчиси Гути футболчиларнинг «Олтин тўп» учун кураши ҳақида ўз фикрларини билдирди.

«Менимча, асосий кураш Кейн, Мбаппе ва Родри ўртасида кечади. Мен учун фаворит — Мбаппе, аммо вазият жуда баҳсли. Мен «Олтин тўп»ни Мбаппе қўлга киритишини хоҳлайман, чунки у «Реал»да ўйнайди. Аммо Родри ҳам ғолиб бўлиши мумкин.

Агар совринларга қарасак, Фабиан Руис Чемпионлар лигаси ва Жаҳон чемпионатида ғолиб чиққан. Аммо у «Олтин тўп»ни қўлга киритади, деб ўйламайман, чунки унда бу совринни ютиб олиш учун етарлича катта ном йўқ. Эришган ютуқларига кўра, «Олтин тўп»ни Руисга бериш керак. Аммо бошқа футболчиларнинг номи кўпроқ жаранглайди», — дея Гутининг сўзларини La Razon келтирди.

Қайд этиш жоизки, Гути ўзининг қисқа рўйхатига «Барселона» футболчиси Ламин Ямални, шунингдек, «Интер Майами» ҳужумчиси Лионель Мессини киритмади.