«Real»ning sobiq futbolchisi Guti futbolchilarning «Oltin to‘p» uchun kurashi haqida o‘z fikrlarini bildirdi.

«Menimcha, asosiy kurash Keyn, Mbappe va Rodri o‘rtasida kechadi. Men uchun favorit — Mbappe, ammo vaziyat juda bahsli. Men «Oltin to‘p»ni Mbappe qo‘lga kiritishini xohlayman, chunki u «Real»da o‘ynaydi. Ammo Rodri ham g‘olib bo‘lishi mumkin.

Agar sovrinlarga qarasak, Fabian Ruis Chempionlar ligasi va Jahon chempionatida g‘olib chiqqan. Ammo u «Oltin to‘p»ni qo‘lga kiritadi, deb o‘ylamayman, chunki unda bu sovrinni yutib olish uchun yetarlicha katta nom yo‘q. Erishgan yutuqlariga ko‘ra, «Oltin to‘p»ni Ruisga berish kerak. Ammo boshqa futbolchilarning nomi ko‘proq jaranglaydi», — deya Gutining so‘zlarini La Razon keltirdi.

Qayd etish joizki, Guti o‘zining qisqa ro‘yxatiga «Barselona» futbolchisi Lamin Yamalni, shuningdek, «Inter Mayami» hujumchisi Lionel Messini kiritmadi.