«Фулхэм» ва Бельгия терма жамоаси ҳимоячиси Тимоти Кастань Франция билан Миллатлар лигаси 2-тур ўйинида Килиан Мбаппенинг йўқлиги бельгияликларнинг тактик режасига катта таъсир қилмаслигини айтди.

«Мбаппе ўйнамаслигига келсак, ҳимояда у майдонда бўлганида қандай ҳаракат қилсак, худди шундай ўйнаймиз.

Албатта, унинг йўқлиги вазиятни бироз ўзгартиради. Аммо Франция таркибида ҳали ҳам жуда кучли футболчилар кўп. Дуэ, Баркола, Дембеле бор.

Ўйин услуби нуқтаи назаридан қараганда, Мбаппенинг йўқлиги Франциянинг ўйинини кескин ўзгартирмайди», — деди Кастань.

Мбаппе Туркияга қарши 1:0 ҳисобидаги ўйиннинг 54-дақиқасида ғалаба голини уриш жараёнида жароҳат олган ва кейин майдонни тарк этган.

Шу сабаб у Франция терма жамоасининг кузда Бельгия ва Италияга қарши қолган ўйинларини ўтказиб юборади.