«Fulxem» va Belgiya terma jamoasi himoyachisi Timoti Kastan Fransiya bilan Millatlar ligasi 2-tur o‘yinida Kilian Mbappening yo‘qligi belgiyaliklarning taktik rejasiga katta ta’sir qilmasligini aytdi.

«Mbappe o‘ynamasligiga kelsak, himoyada u maydonda bo‘lganida qanday harakat qilsak, xuddi shunday o‘ynaymiz.

Albatta, uning yo‘qligi vaziyatni biroz o‘zgartiradi. Ammo Fransiya tarkibida hali ham juda kuchli futbolchilar ko‘p. Due, Barkola, Dembele bor.

O‘yin uslubi nuqtai nazaridan qaraganda, Mbappening yo‘qligi Fransiyaning o‘yinini keskin o‘zgartirmaydi», — dedi Kastan.

Mbappe Turkiyaga qarshi 1:0 hisobidagi o‘yinning 54-daqiqasida g‘alaba golini urish jarayonida jarohat olgan va keyin maydonni tark etgan.

Shu sabab u Fransiya terma jamoasining kuzda Belgiya va Italiyaga qarshi qolgan o‘yinlarini o‘tkazib yuboradi.