"Челси" бош мураббийи Жозе Моуриньо Кевин Де Брюйнени заҳира таркибига ўтказганини тушунтирганидан сўнг журналистлардан бири берган саволга жавоб беришдан бош тортиб, матбуот анжуманидан жўнаб қолди. Анжуман ЧЛ гуруҳ босқичининг "Стяуа"га қарши учрашуви олдидан ташкил этилган.

"Бу шунчаки фантастика - мендан ҳеч ким Мата ҳақида сўрамаяпти! (залда кулгу) Сиз уч ҳафтадан буён Матани сўрардингиз, энди бўлса Де Брюйне ҳақида гаплашиб ўтирибмиз. Сизга майдонга тушадиган ўйинчилар қизиқ эмас, сизга заҳирада ўтирадиган футболчилар ёқса керак.

Де Брюйне таркибга кирмади. Сабаби? Сабаби бу менинг қарорим. Майдонга фақат 11 футболчи тушади. 18таси эса заҳирада ўтиради. Мен уларнинг ўйинлари ва машғулотлардаги ишидан келиб чиқиб шундай хулосага келдим.

Ҳа, баъзида мен ҳам хато қиламан, тўғрисини айтиш керак-да.

Футболчилар билан ҳам муомала қилиб уларга машғулотларда ва ўйинларда ўзларини кўрсатишларига қараб таркибга киритишимни тушунтираман.

Кевин ҳам истисно эмас. Унинг "Свиндон" билан ўйиндаги ҳаракатлари ва машғулотдаги иши менга ёқмади. Мана бугун у асосий таркибда эмас.

Сиз нега улар заҳирада қолди деб сўраётган ўйинчиларингизни ҳар доим кузатиб келаман. Эртага кўрамиз", - деди Моуриньо.