Португалия терма жамоаси ҳужумчиси Криштиану Роналду УЕФА Миллатлар лигаси А лигаси гуруҳ босқичи 2-турида Норвегияга қарши ўйинни захира ўриндиғида бошлайди.
Учрашув бугун, 27 сентябрь куни Ослодаги "Уллевол" стадионида бўлиб ўтади. Ўйинни франциялик ҳакам Франсуа Летексье бошқаради.
Роналду Португалиянинг бошланғич таркибига киритилмади. Ҳужум чизиғида Франсишку Консейсау, Жоау Феликс, Педру Нету ва Гонсалу Рамуш биринчи дақиқалардан майдонга тушади.
1-турда Португалия Уэльсни 1:0 ҳисобида мағлуб этган эди. Ўша учрашувда Роналду асосий таркибда ўйин бошлаб, 67 дақиқа ҳаракат қилган, аммо гол ёки голли узатма билан ажралиб турмаган.
