Европадаги иқлим ўзгаришлари футболга ҳам таъсир ўтказмоқда — Италиянинг «Фиорентина» клуби ўзининг бош машғулот базаси «Виола Парк»дан воз кечиши мумкин. Ҳар ёзда футболчилар иссиқликдан шикоят қилишади, бу эса тайёргарлик жараёнига салбий таъсир кўрсатмоқда.
Эндиликда клуб раҳбарияти базани салқинроқ жойга — эҳтимол, тоғли ҳудудларга кўчириш ҳақида ўйлаб қолди, деб хабар беради derbyderbyderby.it Италиянинг La Repubblica нашрига таяниб.
Ҳатто бошқа мамлакатга — Англия ёки Австрияга кўчиш эҳтимоли ҳам бор. Аммо «Фиорентина»нинг бир неча йилдан бери мавсумни жуда ёмон бошлаётгани муаммо ҳақиқатан ҳам мавжудлигини тасдиқлайди.
