"Рома" афсонаси Франческо Тотти бир жамоада ўйнашни истаган футболчини айтди. У бразилиялик ҳужумчи Роналдони танлади.
"Агар ортга назар ташласам, Роналдо билан бирга ўйнашни истардим. Мен "Феномен"га фаолияти давомида урган голларидан уч баравар кўпроқ гол уришга ёрдам берган бўлардим.
Биз бир-биримизни ярим сўздан тушунган бўлардик", — дея собиқ футболчининг сўзларини Tuttomercatoweb келтирди.
Роналдо профессионал фаолияти давомида ПСВ, "Барселона", "Интер", "Реал", "Милан", шунингдек, Бразилиянинг "Крузейро" ва "Коринтианс" клубларида тўп тепган.
"Феномен" Бразилия терма жамоаси сафида 98 та учрашув ўтказиб, 62 та гол урган.
