Греция терма жамоаси ярим ҳимоячиси Димитрис Курбелис УЕФА Миллатлар лигаси-2026/27 мусобақасининг 2-турида Германия устидан қозонилган 1:0 ҳисобидаги ғалабадан сўнг жамоасининг истиқболлари ҳақида фикр билдирди.
Грециянинг "Астерас" клубида тўп тепаётган 32 ёшли футболчи учрашувдаги ягона гол муаллифи бўлди.
"Бу катта футбол мамлакатига қарши ўйинда эришилган ажойиб натижа. Биз бор кучимизни бериб курашдик ва сабр қилдик. Бундай савиядаги рақибларга қарши фақат шу йўл билан муваффақиятга эришиш мумкин.
Биз катта ўйинларда иштирок этиш ва йирик турнирларда қатнашиш ҳуқуқига муносибмиз. Олдимизда яна иккита қийин учрашув бор. Мен бу жамоанинг салоҳиятига ишонаман", — деди Курбелис.
Греция 1-турда сафарда Сербияни 2:1 ҳисобида мағлуб этган ва айни пайтда А лигасининг 2-гуруҳида пешқадамлик қилмоқда.
Октябрь ойида жамоа ўз майдонида иккита учрашув ўтказади — 1 октябрь куни Нидерландия, 4 октябрь куни эса Германияга қарши баҳс олиб боради.
Қайд этиш жоиз, Греция терма жамоаси сўнгги бор жаҳон чемпионатининг финал босқичида 2014 йилда, Европа чемпионатида эса 2012 йилда иштирок этган.
