Мадриднинг «Реал» клуби собиқ юлдузи, бразилиялик Марсело Франция клуби раҳбариятига қўшилишга яқин турибди.
Гап ҳозир оғир даврни бошдан кечираётган «Нант» ҳақида кетмоқда. Клубни 62 ёшли франко-португалиялик бизнесмен Паулу Тавареш сотиб олишга яқин турибди.
Phoenix Sport Invest раҳбари ўзининг улкан режасини баён қилган ҳужжатларни аллақачон тақдим этган. L’Equipe нашри ушбу ҳужжатлар билан танишган.
Таварешнинг яқин атрофида Бразилия терма жамоасининг собиқ футболчиси Марсело ҳам бор. У келажакда «Нант» клубининг элчисига айланиши мумкин.
Айни пайтда «канарейкалар» Франция футболидаги иккинчи кучли дивизионда иштирок этмоқда.
