УЕФА Миллатлар лигаси «А» лигаси гуруҳ босқичи 2-туридан ўрин олган Чехия ва Англия терма жамоалари ўртасидаги учрашув якунланди. Прага шаҳридаги «Фортуна Арена» стадионида ўтказилган баҳсда англияликлар 2:0 ҳисобида ғалаба қозонди.

Баҳснинг 25-дақиқасида Чехия терма жамоаси ярим ҳимоячиси Павел Шульц қизил карточка олиб, майдонни тарк этди.

47-дақиқада Энтони Гордон ҳисобни очиб, Англияни олдинга олиб чиқди. 69-дақиқада Харри Кейн англияликларнинг иккинчи голини урди.

Ушбу учрашувдан сўнг Чехия терма жамоаси гуруҳ жадвалида очколарсиз сўнгги ўринда бормоқда. Англия эса 3 очко билан иккинчи поғонадан жой олган.

УЕФА Миллатлар лигаси. «А» лигаси, 3-гуруҳ. 2-тур
29 сентябрь 2026 йил. Прага. «Фортуна Арена» стадиони.
Чехия — Англия — 0:2
Голлар: Гордон, 47 — 0:1; Кейн, 69 — 0:2.
Қизил карточка: Шульц, 25.