Алексей Евстафеев қўл остидаги 1995 йилда туғилган футболчилардан иборат Ўзбекистон U-19 ёшлар термаси Осиё чемпионатининг саралаш баҳсларида иштирок этади. Бу ҳақда ЎФФ расмий Твиттери хабар тарқатди.
Саралашнинг «А» гуруҳида Ўзбекистонга Ҳиндистон, Непал, Туркманистон ва Қатар ўсмирлари рақиб бўлишади. Саралаш баҳслари 4-12 октябрь кунлари Қатарда бўлиб ўтади. Ўйинлар “Қатар” СКга тегишли стадионда ўтказилади.
Ўзбекистон U-19 ёшлар терма жамоаси Қатардаги саралаш баҳсларига 23 нафар футболчи билан йўл олди. Жамоамиз бугун, 2 октябрь куни Тошкент – Дубай – Доҳа йўналишида парвоз қилади. Делегация ўтирган самолёт Тошкент вақти билан соат 8:15да ҳавога кўтарилади.
Ёшлар ўртасидаги Осиё чемпионатига саралаш.
“А” гуруҳи. Доҳа.
1-тур. 4 октябрь
18:30. Непал - Туркманистон
21:00. Ҳиндистон - Қатар
2-тур. 6 октябрь
18:30. Туркманистон - Ўзбекистон
21:00. Непал - Ҳиндистон
3-тур. 8 октябрь
18:30. Ўзбекистон - Непал
21:00. Қатар - Туркманистон
4-тур. 10 октябрь
18:30. Ҳиндистон - Ўзбекистон
21:00. Қатар - Непал
5-тур. 12 октябрь
18:30. Туркманистон - Ҳиндистон
21:00. Ўзбекистон – Қатар
Изоҳ: Ўйинлар бошланиши Тошкент вақти билан кўрсатилган.
