«Арсенал»нинг собиқ ярим ҳимоячиси Пол Мерсон «Манчестер Сити»нинг молиявий қоидаларни бузгани бўйича иши юзасидан эҳтимолий оқибатлар ҳақида фикр билдирди.
«Ростини айтсам, бу ҳолат ёқимсиз таассурот қолдиради. Аввало, менимча, уларнинг барча совринлари олиб қўйилиши керак.
Гап биз ҳақимизда эмас. Масала шундаки, 50, 60 ёки 70 йилдан кейин фарзандларимиз ва набираларимиз футбол тарихига назар ташлаб, “Манчестер Сити”нинг устунлик қилганини кўришади. Аммо клуб қандайдир қоидабузарликларда айбдор деб топилгани тарихда қайд этилмаслиги мумкин», — деди эксперт.
