«Астон Вилла»нинг собиқ ҳужумчиси Дин Сондерс Алехандро Гарначонинг клубга ўтиши унда ҳайрат уйғотганини айтди ва аргентиналик футболчининг муносабатини танқид қилди.

«Ростини айтсам, мен Алехандро Гарначо ва унинг ишга бўлган муносабатининг мухлиси эмасман. “Манчестер Юнайтед”да у билан нима содир бўлганига қаранг. “Вилла” уни сотиб олганидан ҳайрон қолдим», — дея Сондерснинг сўзларини Give Me Sport келтирмоқда.

«Мен футбол ўйнаган пайтларимда жамоамизга иқтидорли футболчилар машғулот ўтказиш ёки шартнома имзолаш учун келганида, фақат истеъдоднинг ўзи мени ҳайратга солмасди. Тўп билан турли ҳийлалар қилиш, уни жонглёрлик қилиш ва уч нафар футболчини алдаб ўтишни биладиган одамлар ҳам мени ҳайратга солмасди».

Гарначо ёзда «Челси»дан «Астон Вилла»га ижара асосида ўтди. Жорий мавсумда у жамоа сафида учта ўйинда 31 дақиқа майдонда бўлди ва бирор учрашувни асосий таркибда бошламади.