Криштиану Роналдунинг синглиси Элма Авейру ижтимоий тармоқларда акаси ва Португалия терма жамоаси атрофидаги вазиятга бағишланган постни қайта улашди.
«Криштиану кўпроқ ҳурматга лойиқ эди. Терма жамоа кўпроқ тартибга лойиқ эди. Португалия журналистикаси кўпроқ профессионаллик ва камроқ спекуляцияга лойиқ эди. Португалларга келсак... нима ҳам дердик, улар ҳеч нарсада яхшироқ нарсага лойиқ эмас. Биз ҳасадгўй, ҳурматсиз ва жоҳилмиз ҳамда Роналдугача футболимизда доимо бўлган ўртача даражага қайтишга лойиқмиз. Барчаси учун раҳмат, CR7. Сен кўпроқ нарсага лойиқ эдинг!» — дейилади у ўз саҳифасида жойлаштирган хабарда.
30 сентябрь куни ҳужумчи Жорже Жезушнинг матбуот анжуманидан сўнг Копенгагендаги Португалия терма жамоаси қароргоҳини муддатидан олдин тарк этди. Кейинчалик Роналду мухлисларга мурожаат қилиб, жамоани тарк этиш қарори сабабларини келажакда ошкор қилишини маълум қилди.
