Мадриднинг «Реал» клуби дарвозабони Тибо Куртуа «Атлетико»га қарши сўнгги дербидаги мағлубиятни эслади.

«Қироллик клуби» сафарда 1:2 ҳисобида мағлуб бўлди. Жамоа 52-дақиқадан бошлаб камчиликда ўйнади — айнан шу дақиқада Дин Хёйсен қизил карточка олди. «Реал» вакиллари «матрасчилар»га қарши учрашувда ҳакамликдан жуда норози бўлишди, ҳатто Жозе Моуриньо матбуот анжуманига рақиб футболчиларини майдондан четлатиш керак бўлган эпизодлар акс этган суратларни чиқариб келди.

«Биз Мадрид дербисида ҳакамлар сабабли мағлуб бўлмадик. Бу мағлубиятга ўзимиз сабабчимиз. Аммо ҳакамлар ва VAR янада яхшироқ ишлашини умид қиламан. Бу уларнинг энг яхши куни эмасди», — деди Куртуа.

«Реал»нинг навбатдаги ўйини 10 октябрь куни бўлиб ўтади. Мадридликлар «Вильярреал»га қарши майдонга тушади.