Madridning «Real» klubi darvozaboni Tibo Kurtua «Atletiko»ga qarshi so‘nggi derbidagi mag‘lubiyatni esladi.

«Qirollik klubi» safarda 1:2 hisobida mag‘lub bo‘ldi. Jamoa 52-daqiqadan boshlab kamchilikda o‘ynadi — aynan shu daqiqada Din Xyoysen qizil kartochka oldi. «Real» vakillari «matraschilar»ga qarshi uchrashuvda hakamlikdan juda norozi bo‘lishdi, hatto Joze Mourinyo matbuot anjumaniga raqib futbolchilarini maydondan chetlatish kerak bo‘lgan epizodlar aks etgan suratlarni chiqarib keldi.

«Biz Madrid derbisida hakamlar sababli mag‘lub bo‘lmadik. Bu mag‘lubiyatga o‘zimiz sababchimiz. Ammo hakamlar va VAR yanada yaxshiroq ishlashini umid qilaman. Bu ularning eng yaxshi kuni emasdi», — dedi Kurtua.

«Real»ning navbatdagi o‘yini 10 oktyabr kuni bo‘lib o‘tadi. Madridliklar «Vilyarreal»ga qarshi maydonga tushadi.