Лондоннинг «Тоттенхэм» клуби ва Нидерландия терма жамоаси ҳимоячиси Ян-Паул ван Хекке оёқ панжасидан жароҳат олиб, сафдан чиқди. Бу ҳақда миллий жамоа матбуот хизмати хабар берди.
Манба маълумотига кўра, 26 ёшли футболчи жароҳатидан тикланиш учун «Тоттенхэм» қароргоҳига қайтиб кетади. Шу тариқа, у УЕФА Миллатлар лигаси доирасида Греция терма жамоасига қарши бўлажак учрашувни ўтказиб юборади.
Греция ва Нидерландия ўртасидаги гуруҳ босқичи 3-тур учрашуви 1 октябрь, пайшанба куни бўлиб ўтади. Баҳс соат 23:45 да бошланади.
