"Реал" матбуот хизмати "Негрейра иши" бўйича ҳужжатлар УЕФАга топширилганидан кейин расмий баёнот билан чиқди.

"Реал" ҳужжатлар қабул қилингандан сўнг тергов тўлиқ якунлангунга қадар имкон қадар тез давом эттирилиши ва ваколатли органлар фактларнинг жиддийлигига мос қарорлар қабул қилиши муҳим, деб ҳисоблайди", — дейилади клуб расмий сайтидаги баёнотда.

Шунингдек, "Реал" томонидан тақдим этилган шикоятда "мусобақалар ҳалоллиги ва ҳакамлик тизимига бўлган ишончга бевосита таъсир қиладиган ўта жиддий ҳолатларга оид далиллар" борлиги қайд этилган.

Аввалроқ УЕФА "Реал"дан "Барселона"нинг Ҳакамлар техник қўмитаси собиқ вице-президенти Хосе Мария Энрикес Негрейрага амалга оширган тўловлари бўйича ҳужжатларни олганини маълум қилган эди.