Португалия терма жамоаси мухлислари Миллатлар лигаси 3-турида Данияга қарши ўйинда жамоа ҳужумчиси ва капитани Криштиану Роналдуни қўллаб-қувватловчи баннерлар олиб келишди.

Дания — Португалия учрашуви 2:4 ҳисобида меҳмонлар фойдасига якунланди. 41 ёшли Роналду эса ушбу баҳсда иштирок этмади. У 30 сентябрь, чоршанба куни терма жамоанинг базасини тарк этган эди.

Қайд этиш жоиз, 27 сентябрь куни Миллатлар лигасида Норвегияга қарши учрашувда (2:1) Роналду 18 йил ичида илк бор терма жамоанинг расмий ўйинини тўлиқ захира ўриндиғида ўтказган эди.

Хабарларга кўра, Португалия терма жамоаси бош мураббийи Жорже Жезуш Роналдуни Норвегияга қарши баҳсда майдонга туширишни режалаштирган, аммо якунда алмаштиришдан воз кечган. Учрашувдан кейин Роналду бир неча кун давомида жамоа билан эмас, индивидуал тарзда машғулот ўтказган.