Каталониянинг «Барселона» ва «Милан» клубларининг собиқ ҳужумчиси Жоау Феликс Европага қайтиши мумкин. Бу ҳақда инсайдер Экрем Конур ижтимоий тармоқларда хабар берди.
Айни пайтда португалиялик футболчи Саудия Арабистони чемпионатида «Ан-Наср» шарафини ҳимоя қилмоқда. Томонлар ўртасидаги амалдаги шартнома келаси йил ёзида ўз ниҳоясига етади. Агар келишув узайтирилмаса, Феликс эркин агент мақомига эга бўлади.
Жоау учун энг эҳтимолий вариант сифатида Туриннинг «Ювентус» клуби тилга олинмоқда. Шунингдек, португалиялик футболчига «Манчестер Юнайтед» ва «Барселона» ҳам қизиқиш билдирмоқда.
Жорий мавсум Саудия Арабистони чемпионатида Феликс олтита учрашувда майдонга тушиб, иккита гол урди ва иккита голли узатмани амалга оширди.
