Франция терма жамоаси бош мураббийи Зинедин Зидан жамоа нега кам гол ураётгани ҳақида фикр билдирди.

Жума куни французлар Миллатлар лигасида Италияга қарши уй учрашувини 1:1 ҳисобида якунлади. Зидан қўл остидаги дастлабки учта ўйинда Франция жами 3 та гол урди.

— Франция кетма-кет еттита ўйиндан бери биринчи бўлимда гол ура олмаяпти. Муаммо нимада?

— Бугун биз бўш ҳудудлардан яхши фойдалана олмадик, рақиб майдонининг сўнгги учлигида етарлича кескинлик етишмади. Аммо танаффусдан кейин рақибга босимни оширдик ва ҳужумда яхши ҳаракат қилдик. Шунинг учун бундай натижа хафа қилади.

— Учта ўйинда атиги учта гол урилди. Муаммо вазиятларни голга айлантиришдами?

— Италияга қарши анча кўп вазият яратдик, аммо Доннарумма жуда яхши ўйнади, — деди Зидан.

Душанба куни Франция ўз майдонида Бельгияни қабул қилади.