"Тихуана" клубининг 17 ёшли мексикалик ярим ҳимоячиси Хильберто Мора Англияга кўчиб ўтишни хоҳламаяпти. Бу ҳақда Football Insider хабар бермоқда.
Манбанинг маълумотига кўра, Мора хизматига жиддий қизиқиш билдираётган "Ливерпуль"га ўтишни унчалик истамаяпти. Вакилнинг таъкидлашича, хавбек фаолиятини Испания грандларидан бири — "Реал" ёки "Барселона"да давом эттиришни афзал кўрмоқда. Ҳар иккала клуб ҳам футболчининг ўсишини кузатиб бормоқда.
Олдинроқ "Тихуана" ўз юлдузини тахминан 20-25 миллион евро эвазига қўйиб юбориши мумкинлиги ҳақида хабар берилган эди.
Жорий мавсумда Мора Мексика чемпионатининг 7 та ўйинида майдонга тушиб, 5 та гол урди ва 1 та голли узатмага муаллифлик қилди.
