"Tixuana" klubining 17 yoshli meksikalik yarim himoyachisi Xilberto Mora Angliyaga ko‘chib o‘tishni xohlamayapti. Bu haqda Football Insider xabar bermoqda.

Manbaning ma’lumotiga ko‘ra, Mora xizmatiga jiddiy qiziqish bildirayotgan "Liverpul"ga o‘tishni unchalik istamayapti. Vakilning ta’kidlashicha, xavbek faoliyatini Ispaniya grandlaridan biri — "Real" yoki "Barselona"da davom ettirishni afzal ko‘rmoqda. Har ikkala klub ham futbolchining o‘sishini kuzatib bormoqda.

Oldinroq "Tixuana" o‘z yulduzini taxminan 20-25 million yevro evaziga qo‘yib yuborishi mumkinligi haqida xabar berilgan edi.

Joriy mavsumda Mora Meksika chempionatining 7 ta o‘yinida maydonga tushib, 5 ta gol urdi va 1 ta golli uzatmaga mualliflik qildi.