Норвегия терма жамоаси бош мураббийи Столе Сольбаккен «Манчестер Сити» атрофидаги суд иши ҳақида Эрлинг Холанд билан гаплашганини маълум қилди.

«Бу ҳозир судда кўриб чиқилаётган юридик иш. У ҳақида фикр билдириш учун масалани жуда яхши ўрганишим керак эди, аммо бунга вақтим бўлмади.

Бу борада чуқур билимга эга эмасман ва иш билан танишиб чиққанимдан кейингина фикр билдираман. Судда айби исботланмагунча, ҳеч ким айбдор ҳисобланмайди. Бу мавзуни Холанд билан муҳокама қилганман, аммо унинг терма жамоага алоқаси йўқ», — дея Сольбаккеннинг сўзларини келтиради Record.

Айни пайтда «Манчестер Сити»нинг молиявий қоидаларни бузгани бўйича иш юзасидан мустақил комиссия қарор чиқарган, клуб эса унга апелляция берган.