"Лутон Таун" бош мураббийи Джек Уилшер Микель Артетадан қандай ўрганганини эслади.
Англиялик мутахассис "Норвич" мураббийлар штабига қўшилишидан олдин Лондоннинг "Арсенал" клуби ёшлар жамоасини бошқарган.
"Мен Артетанинг қандай ишлашини, унинг машғулотлари қандай ўтишини кўриш имкониятига эга бўлганман. Унга саволлар бериб, нега у ёки бу ишни қилаётганини тушунишга ҳаракат қилардим. Вақт ўтиши билан унинг ғоялари ва машғулотларига тобора кўпроқ қизиқиб қолдим.
Микель менга жуда катта таъсир кўрсатди. Аммо кейин мен ўзим мустақил равишда жамоани бошқаришни — маълумотни тўғри етказишни, машғулотларни режалаштиришни ва натижага эришишни ўрганишим керак эди", — деди Уилшер BBC билан суҳбатда.
"Арсенал"нинг машҳур собиқ ярим ҳимоячиси ўтган йил октябрь ойида "Лутон" бош мураббийи лавозимини эгаллаган.
