«Ливерпуль» ва Мадриднинг «Атлетико» клуби «Барселона» ярим ҳимоячиси Марк Берналнинг ўйинини диққат билан кузатиб бормоқда. Ушбу жамоалар бош мураббийлари Андони Ираола ва Диего Симеоне футболчининг имкониятларини юқори баҳолайди. Бу ҳақда журналист Хуан Жезус X ижтимоий тармоғида хабар берди.

Манбага кўра, 19 ёшли футболчи «Барселона» бош мураббийи Ханс-Дитер Фликни ўзининг асосий таркибда ўйнашга муносиб эканига ишонтирмоқчи. Флик ҳозирча Бернални ушбу позицияда биринчи танлов сифатида кўрмаяпти.

Агар ярим ҳимоячи жамоадаги ролидан норози бўлиб қолса, уни ижарага бериш эмас, балки тўлиқ трансфер қилиш эҳтимоли пайдо бўлади. «Барселона» Бернални сотишни истамоқда ва фақат футболчининг ўзи жамоадан кетишни сўраган тақдирдагина уни қўйиб юборишга тайёр.

Бернал жорий мавсумда барча мусобақаларда 8 та учрашувда иштирок этиб, 2 та голли узатма амалга оширди. Футболчининг клуб билан амалдаги шартномаси 2029 йил ёзига қадар мўлжалланган. Transfermarkt маълумотларига кўра, унинг бозор қиймати 30 миллион еврони ташкил этади.