Италия терма жамоаси ярим ҳимоячиси Николо Барелла Миллатлар лигасидаги сўнгги учрашувларда асосий таркибдан жой олмаганига муносабат билдирди.
"Бу жамоавий спорт тури, теннис эмас", — деди Барелла яқинда ўтказилган матбуот анжуманида.
Туркияга қарши Бурсада бўлиб ўтган учрашувда Барелла захира ўриндиғида қолган бўлса, Францияга қарши Париждаги баҳсда иккинчи бўлимда майдонга тушди.
"Мен ҳали кекса эмасман, аммо ортимда жуда кўп ўйинлар бор. Шунинг учун танамни тинглашни ўрганишимга тўғри келди. Бир йилда 70 тадан ўйин ўтказсанг, 23 ёшдагидек ўша тезлик ва тетикликни сақлаб қолиш қийин.
Аммо статистикага қарасак, мен ҳали ҳам майдонда энг кўп масофа босиб ўтадиган футболчилардан бириман. Терма жамоада менга етишмаётган ягона нарса — бир нечта гол", — деди футболчи.
5 октябрь куни Италия Миллатлар лигаси гуруҳ босқичи 4-турида Туркияга қарши майдонга тушади.
