«Монако» ва АҚШ терма жамоаси ҳужумчиси Фоларин Балогун ёзги трансферлар ойнаси сўнгги кунида Англия Премьер-лигасига қайтиши амалга ошмагани ҳақида фикр билдирди, шунингдек, Англияга кўчиб ўтиш режалари ҳали ҳам борлигини айтди. Август ойи охирида «Эвертон» «Арсенал» тарбияланувчиси билан тиббий кўрикдан сўнг шартнома тузишдан воз кечган эди.
«Келажакда АПЛга қайтишни хоҳлайманми? Ҳа, эҳтимол. Футболда кўплаб кутилмаган бурилишлар бўлади, буни жаҳон чемпионатидан кейин яна бир бор кўрдик. Мен трансферга яқин эдим, аммо у амалга ошмади. Лекин, албатта, бу ҳали ҳам мумкин.
Мавсум бошланиши яхши кечди. Биз сўнгги уч мавсумни ҳам яхши бошлаган эдик, шунинг учун, менимча, энг муҳими — мавсумни қандай якунлашимиз. Шу боис қадам-бақадам олға ҳаракат қиляпмиз», — дея Балогуннинг сўзларини talkSPORT келтирмоқда.
