«Катта дубулға» турнирларининг олти карра чемпиони, собиқ дунё биринчи ракеткаси, германиялик теннисчи Борис Беккер ҳозирги вақтда франциялик футболчи Майкл Олисени дунёнинг энг яхши футболчиси деб ҳисоблашини маълум қилди.

5 октябрь куни Франция терма жамоаси Миллатлар лигаси «А» лигаси гуруҳ босқичи 4-турида Бельгияни ишончли тарзда мағлуб этди — 4:1. «Стад де Франс» стадионида ўтган учрашувда Майкл Олисе баҳс якунига яқин икки марта гол уриб, дубл қайд этди.

«Франциянинг Бельгияга қарши ўйинининг иккинчи таймини томоша қиляпман. Зинедин Зидан Олисени майдонга тушириши биланоқ... қолгани тарихга айланди! Ҳозир у дунёдаги энг яхши футболчи!» — деб ёзди Беккер ижтимоий тармоқдаги X саҳифасида.