«Реал» ярим ҳимоячиси Орельен Тчуамени Мадрид клуби билан шартномасини 2031 йилгача узайтирди. Бироқ ҳозирча бу ҳақда расмий эълон қилинмаган, дея хабар бермоқда Madrid Universal.
Манбага кўра, француз футболчиси янги келишув шартларини бир неча ой аввалоқ маъқуллаган, аммо фақат энди барча масалалар тўлиқ ҳал қилинган.
Тчуамени 2022 йил ёзида «Монако»дан «Реал»га ўтган эди. Ўша пайтда у Каземиронинг узоқ муддатли ўринбосари сифатида кўрилган.
Француз футболчиси Мадрид клубида турли даврларни бошдан кечирган бўлса-да, жамоада ишлаган барча мураббийлар қўл остида муҳим ўйинчилардан бири бўлиб қолди.
Аввалроқ «Реал» Арда Гюлер билан ҳам шартномани узайтиргани ва яқин вақт ичида Жуд Беллингем билан ҳам янги битим имзолашни режалаштираётгани ҳақида хабарлар тарқалган эди.
