Аргентина терма жамоаси ҳужумчиси Лионель Месси миллий жамоадаги хайрлашув учрашувидан сўнг ўзига хос совғага эга бўлди. Баҳсни бошқарган чилилик ҳакам Фернандо Вехар 39 ёшли футболчига сариқ ва қизил карточкаларни эсдалик сифатида тақдим этди.
Аргентина терма жамоаси Бенинга қарши ўтказилган ўртоқлик учрашувида 3:0 ҳисобида ғалаба қозонди. Месси мазкур баҳснинг асосий қаҳрамонига айланиб, битта гол урди ва иккита голли узатмани амалга оширди.
Учрашув якунлангач, аргентиналик юлдуз майдонда жамоадошлари ва бошқа иштирокчиларнинг табрикларини қабул қилди.
Мессини табриклаш учун унинг ёнига келганлар орасида баҳсни бошқарган чилилик ҳакам Фернандо Вехар ҳам бор эди.
Арбитр футболчини миллий терма жамоадаги фаолиятини якунлагани билан қутлаш билан чекланиб қолмади. У Лионелга сариқ ва қизил карточкаларини эсдалик совғаси сифатида топширди.
Ҳозирча Месси ушбу ноодатий совғани хотира сифатида сақлаб қўйиши ёки йўқлиги номаълум.
Эслатиб ўтамиз, 39 ёшли Лионель Месси клуб миқёсида АҚШнинг МЛС чемпионатида иштирок этаётган «Интер Майами» шарафини ҳимоя қилмоқда.
