Миланнинг «Интер» клуби жамоа ҳимоячиси Карлос Аугусто билан янги шартнома тузиш бўйича музокараларда олға силжишга эришмоқда. Бу ҳақда инсайдер Фабрицио Романо хабар берди.
Ишончли манба маълумотига кўра, «Интер» 27 ёшли бразилиялик футболчи билан янги меҳнат шартномасини жорий йил охирига қадар имзолашни режалаштирмоқда.
Аугусто жорий мавсумда барча турнирларда 4 та учрашувда майдонга тушди. У 2 та гол урди ва 1 та голли узатмани амалга оширди.
Ҳимоячининг «Интер» билан амалдаги шартномаси 2028 йил ўртасига қадар мўлжалланган. Transfermarkt мутахассислари футболчининг трансфер қийматини 23 миллион евро деб баҳоламоқда.
