Milanning «Inter» klubi jamoa himoyachisi Karlos Augusto bilan yangi shartnoma tuzish bo‘yicha muzokaralarda olg‘a siljishga erishmoqda. Bu haqda insayder Fabrisio Romano xabar berdi.
Ishonchli manba ma’lumotiga ko‘ra, «Inter» 27 yoshli braziliyalik futbolchi bilan yangi mehnat shartnomasini joriy yil oxiriga qadar imzolashni rejalashtirmoqda.
Augusto joriy mavsumda barcha turnirlarda 4 ta uchrashuvda maydonga tushdi. U 2 ta gol urdi va 1 ta golli uzatmani amalga oshirdi.
Himoyachining «Inter» bilan amaldagi shartnomasi 2028 yil o‘rtasiga qadar mo‘ljallangan. Transfermarkt mutaxassislari futbolchining transfer qiymatini 23 million yevro deb baholamoqda.
