Франция миллий терма жамоаси ва Лондоннинг «Арсенал» клуби собиқ футболчиси Робер Пирес «Бавария» ҳамда Франция терма жамоасида юқори сермаҳсуллик намойиш этаётган Майкл Олисени мақтади.

Пирес 24 ёшли футболчининг сўнгги мавсумлардаги ўйини ва майдондаги имкониятларини юқори баҳолади.

«Бу футболчини яхши билсангиз, унинг сўнгги мавсумларда «Бавария» ва Франция терма жамоасида нималар қилаётганини кўрсангиз, у шунчаки фантастик футболчи эканини тушунасиз.

У ўнг қанотда ҳам, 10-рақам позициясида ҳам ўйнай олади. У меҳнаткаш, жамоа манфаати учун ҳаракат қиладиган футболчи.

У майдонга «Рақибимга жиддий муаммо туғдираман» деган кайфиятда тушди ва бунинг уддасидан чиқди.

Мен унинг ўйинига қойил қоляпман. Чунки у менга жуда ёқадиган футболчи. Қолаверса, у мен жуда яхши биладиган позицияда ҳаракат қилади», — деди Пирес.

Майкл Олисе янги мавсумни юқори сермаҳсуллик билан бошлади. У «Бавария» сафида ўтказган еттита учрашувида саккизта гол уриб, тўртта голли узатмани амалга оширди.

24 ёшли футболчи сўнгги халқаро танаффус давомида ҳам самарали ўйин кўрсатди.

Хусусан, Олисе Франция миллий терма жамоаси сафида УЕФА Миллатлар лигасининг тўртта учрашувида майдонга тушиб, тўртта гол ва иккита голли узатма қайд этди.