Италиянинг «Милан» клуби бошқарув тизимида ўзгаришлар амалга ошириш ва тажрибали мутахассисларни жалб қилишни режалаштирмоқда.
Маълумотларга кўра, клуб раҳбариятининг эътиборидаги номзодлардан бири Меҳди Бенатиа ҳисобланади.
Собиқ футболчи беш йил аввал профессионал фаолиятини якунлаган. У 2023 йилда Франциянинг «Марсель» клубига спорт маслаҳатчиси сифатида қўшилган.
2025 йилнинг январь ойида марокашлик мутахассис француз клубининг спорт директори лавозимига тайинланган ва мавсум охиригача ушбу вазифада ишлаган.
derbyderbyderby.it нашрининг хабар беришича, Бенатиа ҳозирда ҳеч бир клубда раҳбарлик лавозимини эгалламаяпти ва янги таклифларни кутмоқда.
Айни пайтда «Милан» Италия А Серияси турнир жадвалида бешинчи ўринни эгаллаб турибди.
